Hayop ang Dating
Medyo paambon ambon ng gabing ‘yon kaya hinayaan na muna syang maglamyerda sa Isabel. Paminsan minsan lang naman mangyari. Kung dati eh ayaw nyang maglakad sa basang kalsada, ngayon pwede na. Kahit ano kaya nyang indahin makita lang si Salome. Halos hindi na sya makakain sa kakaintay kung kelan sya pupuntahan sa may pintuan na tinatambayan nya. Ngayon, pagkakataon nya na. Tiyak ang mga hakbang na pinuntahan nya ang bahay na kinaroroonan ng babae. Amigo: Salome?! Nasan ka? Salome: Hindi ako makalabas sa bahay Amigo. Natataranta na si inay sa mga kapitbahay na nagrereklamo sa dugo kung kumakalat sa mga bakuran nila. Dito na lang daw ako magkalat sa loob. Amigo: Eh bakit nung kelan lang panay naman ang labas mo? Bat ka napayagan nun? Salome: Asar din nun si inay dahil sa dami ng mga manliligaw na umiihi sa pader namin. Pinalabas nya na lang ako pra sa kalsada na lang daw ako makipaglandian. Eh alam mo namang ikaw lang ang natatanging gusto ko Amigo. Wala ng iba. Amigo: Alam ko Salome. Pati ako nahihirapan din. Di ko na nakakain ang mga masasarap na hinahain sa akin. Kahit subuan pa nila ako. Di ako makatulog sa kakaabang kung kelan mo ko pupuntahan. Hindi din ako matinag sa kakatingin lang sa direksiyon ng kinaroroonan mo Salome. Sadyang mahirap ang mga panahong alam mong may minamahal ka pero di pwede. Salome: Nung pumunta ako na may kasamang lalake sa tapat nyo, hindi ako nakikipaglandian dun. Sadyang makulit yung hayop na lalakeng yun at ayaw akong tantanan. Sunod nang sunod, hindi na nga umuuwi sa bahay nila yun eh. MAtagal na nga siguro syang hinahanp ng amo nya. Amigo: Bakit kase ang lakas ng kapangyarihan ng amoy mo Salome. Abot hanggang saan saang kanto. Palibhasa paminsan minsan lang yan mangyari. Kaya nga sinsamantala ko na din. Salome: Ewan ko ba Amigo. Nanganak na ako’t lahat, madami pa ding lalakeng nahuhumaling sa akin. Amigo: Sige Salome. Mukhang wala na rin naman akong mapapala sa yo at nakakulong ka. Hihintayin ko na lang na lumipas ang pagkalat ng amoy mo. Sa makalawa baka wala na yan. TInatawag na ko ng nanay ko. Ayokong mabato ng tsinelas dahil lang sa pag liliwaliw ko sa gabi at paghahanap sayo. ( Abangan ang susunod na kabanata…)
0 comments:
Post a Comment