Patuloy Pa Rin
Ilang kandila pa ba ang matutunaw
Para masabing ika'y abot tanaw
Ilang umaga pa ang masisilayan
Ilang hatinggabing pag-aantay sa labasan
Ilang tulo ng pawis, ilan
Parehong nahihirapan
Datapwat patuloy pa rin
Ang pagtanaw sa kinabukasan
Na nangangako, at patuloy pa rin
Haharapin ang mga bukas na walang katiyakan
Kundi ang baong damdaming nag-liliyab
Habang sinusubok ng katagalan
Ng panahon, ang mga luhang tinago ng mga tawang naitapon sa hangin
Sapagkat patuloy pa rin ang magandang nasimulan
Habang tumatakbo ang panahon sa agos ng karanasan '
At patuloy pa rin, habang may hiningang
Magpapaikot sa ating mundo
